مری(آئی این پی )مری کی عدالت نیکار سرکار میں مداخلت کے کیس میں سابق وزیر داخلہ شیخ رشید کی ضمانت بعد از گرفتاری منظور کرلی۔ مری کی عدالت میں شیخ رشید کے خلاف تھانہ مری میں درج مقدمے کے کیس کی سماعت جوڈیشل مجسٹریٹ مری محمد ذیشان نے کی۔ شیخ رشید کی جانب سے ان کے وکیل ایڈووکیٹ سردار عبدالرازق خان عدالت میں پیش ہوئے۔ شیخ رشید کی درخواست ضمانت پر دلائل کے بعد عدالت نے فیصلہ محفوظ کرلیا۔ بعد ازاں جوڈیشل مجسٹریٹ مری محمد ذیشان نے فیصلہ سناتے ہوئے شیخ رشید کی ضمانت 50 ہزار روپے کے مچلکوں کے عوض منظورکرلی۔