اسلام آباد(این این آئی)پاکستان تحریک انصاف کے رہنما شہباز گل نے اپنی جماعت کے مقامی رہنماؤں سے شکوہ کرتے ہوئے کہاہے کہ عمران خان کی ہدایات کے باوجود رہنما تاریخوں پر آنے کی زحمت نہیں کرتے۔ اتوار کواپنی ٹوئٹ میں شہباز گل نے کہاکہ آج عبوری ضمانت کے معاملے میں لاہور ہائیکورٹ میں پیشی ہے، عمران خان کی ہدایات کے باوجود ہمارے مقامی رہنما تاریخوں پر آنے کی زحمت نہیں کرتے۔انہوں نے کہا کہ ایسا محسوس ہوتا ہے جیسے کوئی میرا ذاتی مقدمہ ہو۔شہباز گل نے کہا کہ نئے مقدمے کی ایف آئی آر بھی اب تک مجھے نہیں مل رہی۔