پشاور (این این آئی)نگراں صوبائی وزیر محمد علی شاہ خان نے کہا ہے کہ سیکیورٹی میں کمزوری نہ ہوتی تو حملہ نہ ہوتا، سی سی پی او پشاور نے بھی ناقص سیکیورٹی کا اعتراف کرلیا۔میڈیا سے گفتگو میں صوبائی وزیر محمد علی شاہ خان نے کہا کہ نگراں حکومت کی اولین ترجیح امن ہے، امن ہوگا تو معیشت بہتر ہوگی۔ انہوںنے کہا کہ یہ ناخوشگوار واقعہ ہے، سیکیورٹی معاملات کے حل کیلئے بیٹھیں گے۔انہوں نے کہا کہ سیکیورٹی میں کمزوری نہ ہوتی تو حملہ نہ ہوتا، ذمہ داروں کا تعین بعد میں کیا جائے گا۔میڈیا سے گفتگو میں سی سی پی او اعجاز خان نے ناقص سیکیورٹی کا اعتراف کرتے ہوئے کہا کہ بالکل معاملے میں سیکیورٹی لیپس ہوگا۔

موضوعات:پشاور دھماکہ