اسلام آباد (مانیٹرنگ ڈیسک) معروف صحافی حامد میر نے نجی ٹی وی کے پروگرام میں انکشاف کیا کہ یہ فیصلہ کر لیا گیا ہے کہ انتخابات میں تاخیر کی جائے گی اور انتخابات اس سال اکتوبر میں نہیں بلکہ آئندہ سال 2024ء میں ہوں گے، ان کا کہنا تھا کہ جب اسمبلی کی مدت پوری ہو جائے گی تو حکومت کی جانب سے ایک قرارداد لائی جائے گی کہ معاشی حالات اس قابل نہیں ہیں کہ انتخابات کرائے جا سکیں لہٰذا انتخابات مارچ 2024ء تک ملتوی کر دیے جائیں۔ ان کا کہنا تھا کہ اپوزیشن تو ہے نہیں اس لئے یہ قرارداد منظور ہو جائے گی۔