دبئی(آئی این پی)انٹرنیشنل کرکٹ کونسل (آئی سی سی)نے 2022کے امپائر آف دی ایئر کا اعلان کردیا،آئی سی سی کی جانب سے انگلینڈ کے رچرڈ النگورتھ کو امپائر آف دی ایئر قرار دیا گیا ہے،رچرڈ النگورتھ 2019میں بھی یہ اعزاز حاصل کر چکے ہیں۔دوسری جانب بھارتی کرکٹ ٹیم کے بیٹر سوریا کمار یادیو نے ٹی 20کرکٹر آف دی ایئر کا ایوارڈ اپنے نام کر لیا،آئی سی سی کے مطابق بھارتی بیٹر سوریا کمار یادو 2022 میں ٹی 20انٹرنیشنل میں سب سے زیادہ رنز بنانے والے کھلاڑی رہے اور انہوں نے گزشتہ سال کل 31ٹی 20اننگز میں 187.43کے سٹرائیک ریٹ کے ساتھ 1164رنز بنائے جس میں2سنچریاں اور9نصف سنچریاں شامل ہیں۔