لاہور(این این آئی)سابق خاتون اول بشری بی بی کی دیرینہ دوست فرح گوگی کے بعد پنجاب میں ایک اور طاقتورخاتون کا انکشاف ہوا جس کے اثاثوں میں ناصرف غیر معمولی اضافہ ہوا بلکہ اس کے غیرملکی دوروں اور وہاں جیولری کی خریداری کا بھی انکشاف ہوا ہے۔نجی ٹی وی نے ذرائع کے حوالے سے
کہا ہے کہ پنجاب کا نیا کردار سائرہ انور ہے، جو صوبے کی اہم ترین اور طاقتور شخصیت کی مبینہ تیسری بیوی ہے اور اس طاقتورترین شخصیت کا تعلق پنجاب کے اہم سیاسی خاندان سے ہے۔سائرہ انور کے اثاثوں میں غیر معمولی اضافے اور ان کے نام پر رجسٹرڈ زمینوں کی بڑھتی ہوئی تعداد کے خلاف تحقیقات شروع کردی گئی ہیں اورایف آئی اے نے انہیں طلب کرلیا ہے۔ذرائع کے مطابق ایف آئی اے نے سائرہ انور کے غیر ملکی دوروں کے دوران قیمتی جیولری کی خریداری کا بھی نوٹس لے لیا ہے، جبکہ دوسری جانب سائرہ انور کے خلاف تحقیقات پر پنجاب کے کرپٹ حلقوں اور طاقتور سرمایہ داروں میں بے چینی پائی جاتی ہے۔ سابق خاتون اول بشری بی بی کی دیرینہ دوست فرح گوگی کے بعد پنجاب میں ایک اور طاقتورخاتون کا انکشاف ہوا جس کے اثاثوں میں ناصرف غیر معمولی اضافہ ہوا بلکہ اس کے غیرملکی دوروں اور وہاں جیولری کی خریداری کا بھی انکشاف ہوا ہے۔
