آگرہ (این این آئی)بھارت کے شہر آگرہ میں ٹیکسی میں سفر کرتی ہوئی خاتون کو دیگر تین مسافروں نے یمنا ایکسپریس وے پر چلتی ہوئی گاڑی میں جنسی زیادتی کا نشانہ بنا ڈالا ۔غیرملکی خبررساں ادارے کے مطابق سینئر پولیس افسر کا کہناتھا کہ لڑکی کو چھوڑنے کے بعد تینوں ملزمان موقع سے فرار ہو گئے تھے ۔
تینوں ملزمان کو آگرہ پولیس نے حراست میں لے لیاہے اور تحقیقات کا آغاز کر دیا گیاہے ،خاتون کی جانب سے پولیس سے رابطہ کیا گیا ۔خاتون نے بیان میں کہا کہ اس نے وہ مشترکہ ٹیکسی میں شام ساڑھے آٹھ بجے سیکٹر 37 سے سوار ہوئی ، ٹیکسی نوئیڈہ سے فیروز آباد جارہی تھی ، جس میں سوار دیگر تین مسافروں نے یمنا ایکسپریس وے پر جنسی زیادتی کا نشانہ بنایا اور پھر اعتماد پور چھوڑ کر فرار ہو گئے ، جہاں سے فیروز آباد کیلئے رکشہ کروایا ۔اگلے روز صبح خاتون اعتماد پورہ پولیس سٹیش میں شکایت درج کروانے کیلئے آئی ، خاتون کی شکایت درج کر لی گئی ہے اور اسے میڈیکل کیلئے بھجوا دیا گیاہے ۔ پولیس کا کہناتھا کہ ٹول پلازوں پر لگے سی سی ٹی وی فوٹیج کی مدد سے ٹیکسی کی پہنچان کی گئی اور اسے حراست میں لے لیا گیاہے ،اس میں ملوث تین افراد کو حراست میں لے لیا گیاہے اور مزید تحقیقات جاری ہیں ۔
