اسلام آباد (این این آئی)میگا اسٹارز لیگ کے دوران پاکستان کے سابق اسٹار آل رانڈر عبدالرزاق کو ان کے بیٹے نے میچ کی پہلی ہی گیند پر آئوٹ کر دیا۔راولپنڈی میں کھیلی جا رہی میگا اسٹارز لیگ میں کراچی نائٹس اور پشاور پٹھانز کی ٹیموں کے درمیان کھیلے گئے میچ میں پشاور پٹھانز نے کراچی نائٹس کو جیت کے لیے 119 رنز کا ہدف دیا۔ہدف کے تعاقب میں پشاور پٹھانز کی جانب سے عبدالرزاق اوپن کرنے آئے اور دوسری جانب کراچی نائٹس کی جانب سے علی زراق پہلا اوور کرانے کے لیے آئے۔علی زراق کی پہلی ہی گیند پر عبدالرزاق نے زوردار شارٹ کھیلنے کی کوشش کی لیکن گیند بلے کا باہری کنارہ لیتے ہوئے وکٹ کیپر کے ہاتھوں میں چلی گئی اور اس طرح بیٹے نے پہلی ہی گیند پر والد کو پویلین بھیج دیا۔