جہانیاں(آن لائن ) کالج کے طلباء کا جھگڑا ،فائرنگ سے دو طالب علم جاں بحق ہو گئے ،پولیس نے ایک ملزم کو پسٹل سمیت حراست میں لے لیا۔تفصیل کے مطابق جہانیاں کے علاقہ بلاک نمبر5میں قائم حمام پر گورنمنٹ کالج جہانیاں کے دو طالب علم علی جٹ اور علی قصائی بیٹھے تھے اسی دوران طاہر نامی نوجوان وہاں آیا جس کا دونوں طالب علموں سے تلخ جملوں کا تبادلہ ہوا ۔طیش میں آکر طاہر نامی نوجوان نے پسٹل سے فائرنگ کر دی گولیاں لگنے سے علی جٹ اور علی قصائی نامی دونوں طالب علم جو کہ جہانیاں کے چک104دس آر کے رہائشی بتائے جاتے ہیں جاں بحق ہو گئے ۔پولیس نے طاہر نامی نوجوان کو پسٹل سمیت قابو کر لیا جبکہ نعشوں کو پوسٹ مارٹم کے بعد ورثاء کے حوالے کر دیا گیا ۔پولیس نے مزید تحقیقات کا آغاز کر دیا ہے جبکہ دیگر ملزمان کی گرفتاری کیلئے چھاپے مارے جا رہے ہیں۔

موضوعات:جھگڑا