اسلام آباد(مانیٹرنگ ڈیسک ، آئی ا ین پی )سینئر صحافی اور اینکرپرسن جاوید چوہدری نے سماجی رابطے کی ویب سائٹ ٹوئٹر پر ٹوئٹ کرتے ہوئے لکھا ہے کہ میں ابھی ارشد شریف کے جنازے سے واپس آیا ہوں‘ میں نے زندگی میں کسی بھی صحافی کا اتنا بڑا جنازہ نہیں دیکھا۔

لاکھوں لوگ اس جنازے میں شامل تھے‘ اللہ تعالیٰ ان کی مغفرت کرے لیکن وہ بدقسمتی سے شہادت کے بعد بھی سیاست کا ایندھن بن رہے ہیں‘اللہ تعالیٰ انہیں اس سے بھی محفوظ رکھے۔ یاد رہے کہ کینیا میں پولیس کی فائرنگ سے شہید ہونے والے صحافی اور اینکر پرسن ارشد شریف کی نماز جنازہ فیصل مسجد میں ادا کر دی گئی، ایچ الیون قبرستان میں سپرد خاک ۔ نماز جنازہ خطیب فیصل مسجد پروفیسر ڈاکٹر قاری محمد الیاس نے پڑھائی، سیاسی، سماجی رہنماوں، صحافی برادری سمیت مختلف شعبہ زندگی سے تعلق رکھنے والے ہزاروں افراد نے شرکت کی۔پی ٹی آئی رہنما شبلی فراز، اعظم سواتی اور مراد سعید، سابق وزیراعظم اور ن لیگی رہنما شاہد خاقان عباسی، پی پی رہنما فیصل کریم کنڈی سمیت مختلف سیاسی جماعتوں کے رہنما بھی نمازہ جنازہ میں شریک تھے، ان کے علاوہ صحافتی برادری سمیت مختلف شعبہ زندگی سے تعلق رکھنے والے ہزاروں افراد نے شرکت کی۔

میں ابھی ارشد شریف کے جنازے سے واپس آیا ہوں‘ میں نے زندگی میں کسی بھی صحافی کا اتنا بڑا جنازہ نہیں دیکھا‘ لاکھوں لوگ اس جنازے میں شامل تھے‘ اللہ تعالیٰ ان کی مغفرت کرے لیکن وہ بدقسمتی سے شہادت کے بعد بھی سیاست کا ایندھن بن رہے ہیں‘اللہ تعالیٰ انہیں اس سے بھی محفوظ رکھے۔@ARYNEW

— Javed Chaudhry (@JavedChOfficial) October 27, 2022