برسبین ( این این آئی) ٹی ٹونٹی ورلڈ کپ کے وارم اپ میچ میں قومی کرکٹر شاہین شاہ آفریدی کے یارکر نے افغانستان کے رحمت اللہ گرباز کی ایڑی زخمی کردی۔

برسبین میں کھیلے گئے میچ میں افغانستان کے خلاف شاہین شاہ آفریدی اپنے پورے جوبن میں نظر آئے ۔شاہین شاہ آفریدی نے پہلے ہی اوور میں افغان بلے باز کی وکٹ حاصل کرنے کی روایت برقرار رکھی، ان کے یارکر نے افغانستان کے وکٹ کیپر بلے باز رحمت اللہ گرباز کی ایڑی توڑ دی۔

آئوٹ ہونے کے بعد رحمت اللہ گربازکی تکلیف کو دیکھتے ہوئے انہیں کریز پر ہی طبی امداد فراہم کی گئی لیکن اس کے باوجود وہ چل نہیں پائے،

جس کے بعد رحمت اللہ گرباز کو ایک ساتھی کرکٹر کمر پر اٹھا کر میدان سے باہر لے گیا۔میچ میں شاہین شاہ آفریدی نے 29رنز دے کر 2وکٹیں حاصل کیں۔

واضح رہے کہ میگا ایونٹ میں پاکستان کا پہلا میچ بھارت کے ساتھ ہوگا، 23اکتوبر کو میلبرن کھیلے جانے والے میچ کے لئے

بھارتی ٹیم نے ابھی سے تیاریاں شروع کردی ہیں۔بھارتی بلے باز شاہین شاہ آفریدی کے ساتھ ساتھ نسیم شاہ اور حارث رف کی طوفانی بولنگ سے بچنے کی بھی پریکٹس کررہے ہیں۔