اسلام آباد (مانیٹرنگ ڈیسک )شوہر کے ہاتھوں قتل ہونے والی سارہ انعام کی آخری پوسٹ وائرل ہو گئی ۔ تفصیلات کے مطابق اسلام آباد میںسینئر صحافی ایاز امیر کی بہو سارہ انعام کی قتل سے قبل کی جانے والی پوسٹ کو سینئر اینکر پرسن و تجزیہ کار مہر بخاری نے شیئر کیا گیا ہے ۔
مہربخاری نے سارہ کی شاہنواز کیساتھ ایک تصویر شیئر کی ۔ انہوں نے ٹویٹ پیغام میں لکھا کہ وہ اور سارہ کینیڈا کے ایک کالج میں پڑھی ہیں ، سارہ نہایت نرم دل ، مہربان اور نرم گو خاتون تھی ، یہ ان کی پہلی شادی تھی،اس نے بہترین جگہوں پر کام کیا تھا۔دنیا کا سفر کیا تھا اور اب وہ آباد ہونا، ایک مضبوط صحت مند گھر بنانا چاہتی تھی۔خیال رہے کہ اسلام آباد کے علاقے چک شہزاد میں سینئر صحافی ایاز امیر کی بہو کو ان کے بیٹے شاہ نواز نے قتل کر دیا تھا ۔ اسلام آباد پولیس کے ترجمان کے مطابق ایاز امیر کے بیٹے شاہ نواز نے اپنی بیوی سارہ کو گھر میں قتل کیا ہے۔پولیس ترجمان نے بتایا ہے کہ ایاز امیر کے بیٹے شاہ نواز کو حراست میں لے لیا گیا ہے۔پولیس کے ترجمان کے مطابق اسلام آباد پولیس کے سینئر افسران اور فارنزک ٹیمیں موقع پر موجود ہیں۔پولیس ترجمان کا کہنا ہے کہ واقعے کی تفتیش جاری ہے، جو بھی حقائق سامنے آئے وہ شیئر کیے جائیں گے۔مقتولہ سارہ کی لاش پوسٹ مارٹم کے لیے پمز اسپتال منتقل کی گئی ہے۔
