نئی دہلی (آن لائن) بھارت میں 13 ریاستوں میں اسلامی تنظیم اور رہنماؤں کی گرفتاری کے لیے چھاپے مار کر 100 سے زائد افراد کو گرفتار کر لیا گیا ۔ ملکی خبر رساں ادارے کے مطابق بھارتی تحقیقاتی اداروں این آئی اے، ای ڈی اور مختلف ریاستوں کی پولیس نے رات ساڑھے 3 بجے مسلم رہنماؤں اور اسلامی تنظیموں کے حکام کی گرفتاری کے لیے مختلف مقامات پر چھاپے مارے۔ رپورٹس کے مطابق بھارتی تحقیقاتی اداروں کی جانب سے نئی دلی، مہاراشٹر، یوپی، کیرالہ اور راجستھان سمیت مختلف ریاستوں میں چھاپے مارے گئے۔ میڈیا رپورٹ کے مطابق تفتیشی ایجنسیوں نے دہشتگردی کی مالی اعانت کا الزام لگا کر مسلم رہنماؤں اور اسلا می تنظیموں کے خلاف کارروائیاں کیں۔سوشل ڈیموکریٹک پارٹی انڈیا (ایس ڈی پی آئی) اور پی ایف آئی کے کارکنوں کی جانب سے چھاپوں اور گرفتاریوں کے خلاف بنگلورو اور منگلورو میں بھی احتجاج کیا گیا۔

موضوعات:چھاپے