اسلام آباد، لاہور(آن لائن، این این آئی )اسلام آباد کے تھانہ کورال کی حدود میں نوجوان لڑکی سے مبینہ زیادتی کے الزام میں چینی باشندے کو گرفتار کرلیا گیا۔پولیس کا کہنا ہے کہ ملزم کا موبائل فون اور پاسپورٹ بھی قبضے میں لے لیا ہے۔ایف آئی آر کے مطابق خاتون کا کہنا ہے

کہ وہ چینی کمپنی میں بطور ملازم کام کرتی ہے اور کمپنی کے مالک نے اس کے ساتھ زیادتی کی۔پولیس ایف آئی آر میں لڑکی کا کہنا ہے کہ ملزم نے مجھے ڈرایا اور کسی کو بتانے پر نوکری سے نکالنے کی دھمکی دی، ملزم کے خلاف قانونی کارروائی کرکے انصاف فراہم کیا جائے۔پولیس نے متاثرہ لڑکی کا طبی معائنہ کرالیا ہے جبکہ لڑکی اور ملزم کا ڈی این اے بھی لے لیا گیا ہے ۔دوسری جانبچیئرپرسن چائلڈ پروٹیکشن بیورو سارہ احمد نے پتوکی میں سوتیلے والد کا 3 سالہ بچی پر تشدد کے واقعہ کا نوٹس لے لیا۔ چائلڈ پروٹیکشن بیورو قصور کی ٹیم کو بچی کو تحویل میں لینے کی ہدایت کر دی ہے۔ اس حوالے سے چیئرپرسن چائلڈ پروٹیکشن بیورو سارہ احمد کا کہنا ہے کہ پتوکی میں سوتیلے والد نے 3سالہ بچی کو تشدد کا نشانہ بنایا اور بچی کو الماری میں بند کر دیا۔ پولیس نے ایف آئی آر درج کرنے کے بعد ملزم کو گرفتارکر لیا ہے۔ انہوں نے کہا کہ چائلڈ پروٹیکشن بیورو قصور کی ٹیم کو تشدد کا شکار بچی کو تحویل میں لینے کی ہدایت کی ہے۔ اور ملزم کے خلاف سخت قانونی کارروائی کی جائے گی۔

موضوعات:زیادتی