بیجنگ(این این آئی)چین میں 16سالہ پانڈا کوئی کوئی کے یہاں دنیا کے سب سے وزنی پانڈا کی پیدائش ہوئی۔

چینی میڈیا کے یوٹیوب چینل پر شیئر ہونے والی ویڈیو کے مطابق ننھے پانڈا کا وزن 270.4گرام ہے جبکہ اس سے قبل یہ ریکارڈ 249گرام کے پیدا ہونے والے وزنی پانڈا کے پاس تھا۔کوئی کوئی ایک بہت سمجھدار اور خیال رکھنے والی ماں ہے اس کے دوسرے بچے بھی 200گرام سے زیادہ وزن کے ساتھ پیدا ہوئے تھے۔یوٹیوب ویڈیو کے کمنٹس میں صارفین ملے جلے تبصرے کررہے ہیں کوئی ننھے پانڈا کو خیر مقدم کر رہا ہے تو کوئی اس کے زیادہ وزنی ہونے پر تنقید کر رہا ہے۔ایک صارف نے ننھے پانڈا کو دعا دیتے ہوئے لکھا کہ خوش آمدید بیبی پانڈا،مشکل وقت میں خوش نصیبی، امن و خوشحالی لائیں۔ آپ اپنے ساتھ ساتھ ہمارے لیے بھی خوراک کی فراوانی اور ہم آہنگی لے کر آئیں۔ ایک صارف کا سوچنا ہے کہ پانڈا پہلے ہی سست جانور ہے، اب یہ پیدائشی موٹاپے کا شکار ہے تو انہیں فٹ رہنے کیلئے زیادہ محنت اور ورزش کرنا پڑے گی۔