اسلام آباد (مانیٹرنگ ڈیسک )اسپیکر قومی اسمبلی نے تحریک انصاف کے چیئرمین و سابق وزیراعظم عمران خان کی نااہلی کا ریفرنس الیکشن کمیشن کو بھجوا دیا۔نجی ٹی وی دنیاکے مطابق عمران خان کی جانب سے توشہ خانہ کے تحائف کی تفصیلات چھپانے کے معاملے سے متعلق ذرائع کا کہنا ہے کہ سپیکر قومی اسمبلی نے عمران خان کی نا اہلی کا ریفرنس الیکشن کمیشن کو بھجوا دیا ہے۔ریفرنس کے متن میں کہا گیا ہے کہ عمران خان نے توشہ خانہ سے لیے تحائف اثاثوں میں ظاہر نہیں کئے، انہوں نے تحائف بیچ کر رقوم کی تفصیلات بھی گوشواروں میں درج نہیں کرائیں۔