بختاور بھٹو کا پاکستان تحریک انصاف کے آئی کیو لیول پر طنز

دبئی (این این آئی)سابق صدر آصف زرداری کی بڑی بیٹی بختاور بھٹو نے پاکستان تحریک انصاف کے

آئی کیو لیول پر طنزیہ ٹوئٹ کی ہے۔موجودہ صورتحال اوربڑھتی ہوئی مہنگائی کے حوالے سے موجودہ حکومت پر

الزامات کی بارش کا سلسلہ جاری ہے اسی حوالے سے کالم نگار علی معین نوازش نے ایک ٹوئٹ کی جس میں انہوں نے کہا

ملک کی معیشت گزشتہ تین ماہ میں نہیں بلکہ گزشتہ تین سالوں میں تباہ ہوئی ہے۔انہوں نے لکھا کہ اس میں سب سے زیادہ تباہ کْن پیٹرول سبسڈی تھی

جس نے پاکستان کو بین الاقوامی مالیاتی ادارے آئی ایم ایف پروگرام سے نکال کر ڈیفالٹ پر کھڑا کردیا۔علی معین کی ٹوئٹ پر بختاور نے

ردعمل دیتے ہوئے طنزیہ کہا کہ ہر شخص جس کا آئی کیو لیول پی ٹی آئی سے زیادہ ہے وہ یہ حقیقت جانتا ہے کہ مہنگائی کب اور کیوں ہوئی؟۔