نگران سیٹ اپ کے انٹرویو شروع ہو گئے، کون کون اس کا حصہ ہوں گے؟ معروف صحافی کا تہلکہ خیز انکشاف

اسلام آباد (نیوز ڈیسک) معروف صحافی رانا عظیم نے 92 نیوز سے گفتگو کرتے ہوئے انکشاف کیا کہ نگران سیٹ اپ

کے لئے انٹرویو شروع ہو گئے ہیں اور انٹرویو لینے والوں نے بہت سے لوگوں کے انٹرویو کر لئے ہیں،

رانا عظیم نے انکشاف کرتے ہوئے کہا کہ یہ ٹیکنو کریٹ سیٹ اپ ہو گا، اینکر نے کہا کہ یہ تو پھر پیراشوٹرز ہی ہوئے تو رانا عظیم نے کہاکہ

نہیں اس ملک سے ہی ہوں گے۔ انہوں نے کہاکہ ٹیکنو کریٹ ہوں گے اور کچھ سیاسی لوگ ہوں گے جو غیر متنازعہ ہوں گے

اور زیادہ معاشی صورتحال کو دیکھنے والے ہوں گے۔ ان کا کہنا تھا کہ پی ڈی ایم کی میٹنگ میں بھی یہ بات ہوئی ہے کہ انٹرویوز ہو رہے ہیں،

راناعظیم کا کہنا تھا کہ اچانک توپوں کے رخ کیوں تبدیل ہوئے ہیں، مولانا فضل الرحمان کی گرج کس طرف جا رہی ہے،

ان کو پتہ ہے کہ معاملات کس طرف جا رہے ہیں، رانا عظیم کا کہنا تھا کہ اتحادی حکومت کو بہت بڑا دھچکا لگا ہے مجھے لگتا ہے کہ

بہت سارے چہرے اگلے الیکشن میں نظر نہیں آئیں گے۔ ان کاکہنا تھا کہ اس بارے میں چودھری پرویز الٰہی نے پیشگوئی بھی کی تھی کہ نوے فیصد سیاسی چہرے اگلے الیکشن میں نظر نہیں آئیں گے۔