رجیم چینج کے بعد عوام کو مہنگائی اور مشکلات کا ازالہ ایک دو ماہ میں کرلیا جائے، عمران خان
اسلام آباد(آن لائن)پاکستان تحریک انصاف کے چیئرمین و سابق وزیر اعظم عمران خا ن نے وزیر اعلی ٰ پنجاب چوہدری پرویز الہی کو کہا ہے کہ
رجیم چینج کے بعد جتنی مہنگائی اور مشکلات کا سامنا عام آدمی کو کرنا پڑا ہے انکا ازالہ ایک دو ماہ میں کرلیا جائے۔
احساس راشن اور احساس مالی امداد سے پورا کیا جائے ،پنجاب کے رجسٹرڈ گھرانوں کی فوری مدد کے لیے انتظامات کیے جائیں۔
ان خیالات کا اظہار انہوں نے گزشتہ روز پرویز الہی اور مونس الہی سے بنی گالا میں ملاقات کے بعد الوداع کرتے ہوئے کیا۔
عمران خان نے کہا کہ عام انتخابات میں جانے سے قبل مہنگائی کا توڑ ڈھونڈنا ہوگا،اضلاع میں مانیٹرنگ اور مہنگائی کو قابو کرنے کے سدباب فوری کیا جائے،
جس پر وزیر اعلیٰ پنجاب نے کہا ہے کہ تمام تر اقدامات ایک ہفتہ میں کر لیے جائیں گے ،اور انشاء اللہ عام آدمی کو ریلیف دینے کے لیے ممکنہ وسائل کو بروئے کا ر لایا جائے گا ۔
