مریخ پر پراسرار چیز دریافت

واشنگٹن(این این آئی)امریکی خلائی ایجنسی ناسا نے مریخ پر پراسرار نوڈل نما چیز ڈھونڈ لی۔

غیر ملکی میڈیا کی رپورٹس کے مطابق ناسا کے ذریعے دریافت کردہ ایک الجھی ہوئی چیز نے خلائی مبصرین کو متوجہ کیا ہے جوکہ نوڈلز جیسی نظر آتی ہے۔

ناسا کی جیٹ پروپلشن لیبارٹری کے ترجمان نے بتایا کہ ہم اس پر بات کر رہے ہیں کہ یہ کیا چیز ہے لیکن یہ قیاس آرائیاں کی جا رہی ہیں کہ یہ پیراشوٹ یا لینڈنگ سسٹم کی ڈوری کا ٹکڑا ہے جو روور کو زمین پر نیچے لاتا ہے۔

اس سے قبل ناسا نے پلوٹو کی ایک شاندار قوسِ قزح کے رنگ کی تصویر شیئر کی تھی جس نے سوشل میڈیا صارفین کو خوش گوار حیرت میں مبتلا کر دیا تھا۔

یہ تصویر خلائی جہاز نیو ہورائزنز نے لی تھی، جسے 19 جنوری 2006 کو لانچ کیا گیا تھا۔نیو ہورائزنز نے 2015 کے موسمِ گرما میں پلوٹو کا 6 ماہ طویل فلائی بائی مطالعہ کیا اور دور دراز کے نظامِ شمسی کو تلاش کرنا جاری رکھا