لاہور (آن لائن)پاکستان تحریک انصاف کے چیئرمین اور سابق وزیر اعظم عمران خان نے کہا ہے کہ کبھی کسی غلط فہمی میں نہ رہیں،کوئی بھی میچ آخری گیند تک نہیں جیتا جاتا،عثمان بزدار کو مشکل وقت میں وزیر اعلیٰ پنجاب بنایا تھا۔لاہور میں پارلیمانی پارٹی اجلاس سے

خطاب میں عمران خان نے کہا کہ عثمان بزدار جب وزیر اعلیٰ بنے تو پارٹی میں دھڑے بندی تھی، جتنا مشکل وقت عثمان بزدار نے گزارا خراج تحسین پیش کرتا ہوں۔چیئرمین پی ٹی آئی نے کہا کہ عثمان بزدار نے مجھے پہلے ہی کہہ دیا تھا کہ جب آپ کہیں گے استعفیٰ دے دوں گا۔سابق وزیر اعظم نے اجلاس کے شرکا سے کہا کہ آپ لوگ قابلِ فخر ہیں جو تمام دھونس دھاندلی کے باوجود نہ جھکے، ہمارا مقصد وطن عزیز کو عظیم تر بنانا ہے۔انہوں نے کہا کہ ریاست مدینہ کے قیام کا مقصد ملک کو آزاد کرنا ہے، کوئی قوم آگے نہیں بڑھ سکتی جب تک خود کو کرپشن سے ا?زاد نہ کرے۔عمران خان نے کہا کہ چوہدری پرویز الٰہی ایک جہاندیدہ سیاستدان ہیں، ہمارے ارکان اسمبلی نامزد وزیر اعلیٰ کا بھرپور ساتھ دیں گے۔ عمران خان نے کہا ہے کہ کبھی کسی غلط فہمی میں نہ رہیں،کوئی بھی میچ آخری گیند تک نہیں جیتا جاتا۔ عمران خان نے کہا کہ ان کی وہ ٹریننگ ہے جو آپ میں سے کسی کی بھی نہیں۔اس سے قبل چیئرمین تحریک انصاف عمران خان نے پی ٹی آئی پنجاب کے ایم پی ایز اورسینئر رہنماوں سے ملاقات بھی کی، جہاں انہیں وزیراعلیٰ پنجاب کیا نتخاب کے حوالے سے نمبر گیم بارے بھی بتایا گیا۔