لوگ بھوک سے مر رہے ہیں اور گورکن تماشا دیکھ رہے ہیں، شیخ رشید

راولپنڈی(این این آئی)عوامی مسلم لیگ کے رہنما شیخ رشید نے کہا ہے کہ بھارت سے تجارت اوراسرائیل سے دوستی حکومت کا ایجنڈا ہے۔

عوامی مسلم لیگ کے سربراہ شیخ رشید نے ٹوئٹر پر اپنے بیان میں کہا کہ بھارت سے تجارت، اسرائیل سے دوستی اورڈرون بیسز

کی اجازت حکومت کا ایجنڈا ہے۔انہوں نے کہا کہ حکومت آئی ایم ایف کے جال میں پھنس چکی ہے،چار سوٹیکسٹائل ملیں بند ہوگئی ہیں۔

انہوں نے کہاکہ ملک ڈیفالٹ ہونے جا رہا ہے،بجلی نو روپے یونٹ مزید مہنگی ہوگی۔ انہوں نے کہاکہ سولر ایجنسی کمیشن کے پیچھے

اصل چہرہ شہباز شریف خاندان کا ہے،پاکستان دنیا کا مہنگا ترین ملک ہے۔انہوں نے کہا کہ 31 فیصد مہنگائی اور15 فیصد

شرح سود بڑھ گئی ہے اب سرمایہ کاری کون کریگا۔ انہوں نے کہاکہ وزارتوں کا جمعہ بازار لگا ہے، منی لانڈرر حکمران بن گئے،

لوٹ مار کا بازار گرم ہے۔ شیخ رشید کا نے کہا کہ لوگ بھوک سے مررہے ہیں گورکن تماشا دیکھ رہے ہیں،

بیس نشستوں پرضمنی انتخاب فیصلہ کن ہوگا، آئندہ 45 دن جمہوریت اورحکومت کا فیصلہ کردیں گے۔

موضوعات:شیخ رشید