گزشتہ 20 روز میں بھارت نے روس سے کتنا کوئلہ اور سستا تیل خریدا؟ تفصیل سامنے آ گئی

اسلام آباد (مانیٹرنگ ڈیسک) بھارت نے گزشتہ بیس دنوں کے دوران روس سے کوئلے کی خریداری میں 6 گنا اضافہ کر دیا۔

جیو نیوز کی رپورٹ کے مطابق بھارت روسی تاجروں کی رعایت سے بھرپور فائدہ اٹھا رہا ہے، اسی وجہ سے بھارت کی طرف سے روسی کوئلے

اور تیل کی خریداری میں اضافہ ہوگیا ہے۔رپورٹ کے مطابق بھارت نے گزشتہ 20 روز میں 3 ارب ڈالر سے زائد کا روسی کوئلہ خریدا۔

اس کے علاوہ پچھلے بیس دنوں میں روس سے اکتیس گنا زیادہ تیل خریدا، بھارت نے گزشتہ بیس دنوں میں دو ارب ڈالر سے زائد کا تیل خرید لیا۔

غیر ملکی خبر رساں ایجنسی کے مطابق اس حوالے سے بھارتی وزارت تجارت نے فوری طور پر کوئی تبصرہ نہیں کیا۔واضح رہے کہ

یوکرین پر حملے کی وجہ سے مغربی ممالک نے روس پر سخت معاشی پابندیاں لگائی ہوئی ہیں لیکن ان تمام پابندیوں کے باوجود بھارت

روس سے مسلسل تیل اور کوئلہ خرید رہا ہے، دوسری جانب امریکی حکام نے بھی بھارت کو کہا ہے کہ روس سے توانائی کی درآمد پر کوئی پابندی نہیں،

امریکی حکام کی جانب سے بھارت کو صرف یہ کہا گیا ہے کہ روس سے توانائی کی درآمدات میں تیزی نہیں دیکھنا چاہتے۔

موضوعات:بھارت