اسلام آباد( آن لائن) پاکستان فلور ملز ایسوسی ایشن نے ملز مالکان کو ہراساں کرنے اور فلور ملز پر چھاپے مارنے کا سلسلہ فوری بند نہ ہونے کی صورت میں کل سے پنجاب بھر میں انڈسٹری بند کرنے کی دھمکی دے دی۔ میڈیا رپورٹ کے مطابق پنجاب فلوملز ایسوسی ایشن کے
چئیرمین طاہر ملک کا کہنا ہے کہ اگر ملز مالکان کو ہراساں کرنے کا سلسلہ بند نہ ہوا تو کل سے پنجاب کی تمام فلور ملز آٹا پسپائی نہیں کریں گے۔ترجمان پاکستان فلور ملز ایسوسی ایشن نے کہا کہ گندم کی مصنوعات کی نقل و حمل پر پابندیاں آئین کی روح کے منافی ہیں۔آئین ملک بھر میں آزادانہ کاروبار اور نقل و حمل کی ضمانت دیتا ہے۔انہوں نے مزید کہا کہ فلور ملز مالکان کی ناجائز اور غیر قانونی پکڑ دھکڑ کا سلسلہ فوری بند کیا جائے۔جب تک معاملات طے نہیں ہوں گے فلور ملزم سرکاری گندم نہیں اٹھائیں گی اور نہ ہی پسپائی کریں گی، معاملے طے ہونے کے بعد فلور ملزم گیٹ پر آٹا فراہم کریں گی۔قبل ازیں فلور ملزایسوسی ایشن نے محکمہ خوراک اور ضلعی انتظامیہ کے رویے کے خلاف احتجاجاً ہڑتال کا اعلان کر دیا جبکہ فلور ملز نے اعلان کیا ہے کہ حکومت کی سبسڈائز آٹے کی سکیم کو بھی نہیں چلائیں گے۔ فلور ملزایسوسی ایشن پنجاب کے چیئرمین طاہر ملک اور سینئر رہنما عاصم رضا نے کہا ہے کہ فلور ملز میں محکمہ خوراک اور ضلعی انتظامیہ کی مداخلت قبول نہیں، گزشتہ روز بھی فیصل آباد میں فلور مل پر چھاپہ مار کر سابق چیئرمین میاں انجم اسحاق کو گرفتار کرنے کی کوشش کی گئی،محکمہ خوراک اور ضلعی انتظامیہ کا عمل دخل ختم ہونے تک فلور ملیں گندم پسائی نہیں کریں گی۔
