واشنگٹن(این این آئی)دنیا کے امیر ترین شخص ایلون مسک نے آئندہ ری پبلکن پارٹی کو ووٹ دینے کا اعلان کردیا ہے۔میڈیارپورٹس کے مطابق سماجی رابطہ کی ویب سائٹ ٹوئٹر پر اظہار خیال کرتے ہوئے ٹیسلا اور اسپیس ایکس کے بانی ایلون مسک نے کہا کہ ماضی میں میں ڈیموکریٹک پارٹی کو ووٹ دیتا رہا ہوں کیونکہ وہ ایک نیک دل پارٹی تھی، مگر اب وہ نفرت اور تقسیم پھیلانے والی پارٹی بنتی جارہی ہے۔ انہوں نے کہا کہ اب میں مزید اس کی حمایت نہیں کروں گا اور آئندہ ریپبلکن پارٹی کو ووٹ دوں گا۔ایلون مسک نے مزید لکھا کہ اب آپ دیکھیں گے میرے خلاف کیسے گھنائونی مہم شروع ہوجائے گی۔