فلپائن (این این آئی)یوکرینی کمانڈر نے دنیا کے ارب پتی آدمی ایلون مسک سے براہ راست مدد مانگ لی ہے۔بین الاقوامی میڈیا کی رپورٹ کے مطابق، ایک یوکرینی کمانڈر نیایلون مسک سے ماریوپول شہر کے جنوبی حصّے میں روسی افواج کے قبضے میں
پھنسے لوگوں کی مدد کرنے کی اپیل کی ہے۔میڈیا رپورٹ کے مطابق، روس اور یوکرین کے درمیان جاری جنگ کی وجہ سے ماریوپول میں ایک بندرگاہ تباہ ہوگئی ہے، جہاں یوکرین کے شہریوں نیکئی ہفتوں کی لڑائی کے بعد بھی ازووسٹل اسٹیل ورکس کے اندر سے کچھ مزاحمت کو برقرار رکھا ہے،36 سیپریٹ میرین بریگیڈ کے سرہی والینا نامی ایک کمانڈر کا کہنا ہیکہ اْنہوں نے ایلون مسک تک پہنچنے کے واحد مقصد کیلئے ٹوئٹر اکاؤنٹ بنایا۔کمانڈر نے ایلون مسک کیلئے ٹوئٹر پر اپنا پیغام جاری کرتے ہوئے لکھا کہ لوگ کہتے ہیں کہ آپ کسی اور سیارے سے آئے ہیں تاکہ لوگوں کو ناممکن پر یقین کرنا سکھایا جائے۔کمانڈر نے لکھا کہ ہمارے سیارے ایک دوسرے کے قریب ہیں، جیسا کہ میں وہاں رہتا ہوں جہاں زندہ رہنا تقریباً ناممکن ہے، یوکرین کے ماریوپول میں محصور ازووسٹل پلانٹ سے نکلنے میں کسی ثالثی کرنے والے ملک کی طرف سے ہماری مدد کریں، اگر آپ نہیں کریں گے تو کون کرے گا؟یوکرینی کمانڈر نے سوشل میڈیا پر موجودکرہ ارض کے ہر فرد سے مطالبہ کیا کہ اس بات کو یقینی بنانے میں مدد کرے کہ ایلون مسک تک اس کی یہ اپیل پہنچ جائے۔
