لاہور( این این آئی)سینئر سیاستدان و سابق وفاقی وزیر شیخ رشید نے کہا ہے کہ اگر عمران خان بال بھی بیکا ہوا تو ملک میں خانہ جنگی ہو جائے گی اور ملک میں کوئی محفوظ نہیں رہے گا، آصف زرداری نے اپنی بیوی کو قتل کرایا اور جعلی وصیت کے ذریعے اس کی سیاست پر قبضہ کیا ،آصف زرداری نے بینظیر بھٹو کے دونوں بھائیوں کابھی قتل کرایا ،

میں عمران خان کے خلاف اکیلا کراچی سے طورخم تک نکلوں گا۔ مینا رپاکستان جلسے سے خطاب کرتے ہوئے شیخ رشید نے کہا کہ میں سعودی عرب سے واپس آیا ہوں ، میں نے وہاں پر مائوں کو عمران خان کیلئے روتے ہوئے دیکھا ہے ، خانہ کعبہ میں لوگوں کو عمران خان کے لئے روتے ہوئے دیکھا ہے ۔ انہوں نے کہا کہ جس نے آج تک مسجد کا غسل خانہ نہیں بنایا اس کو شوباز شریف پالشیے نے وزیر مواصلات بنا دیا ہے ۔انہوںنے کہا کہ پتہ چلا ہے بلو رانی لندن گیا ہے ، اس لئے کہ آصف زرداری کو صدر بنایا جائے ۔ یہ وہ آصف زرداری ہے جس نے اپنی بیوی کو قتل کر کے جعلی دستاویزات کے ذریعے سیاست پر قبضہ کیا ، آصف زرداری نے مرتضیٰ بھٹوکو قتل کرایا ،شانواز بھٹوکو زہر دلوایا ۔یہ کہا جارہا ہے عمران خان کی جان کو خطرہ ہے ، عمران خان کا بال بیکا ہوا تو ملک میں خانہ جنگی ہو جائے گی اورملک میںکوئی محفوظ نہیں رہے گا۔ انہوں نے کہا کہ عمران خان کا جرم کیا ہے، میں عمران خان کی حمایت میں کراچی سے طورخم تک اکیلا نکلوںگا۔ انہوں نے کہا کہ عمران خان کے خلاف انٹرنیشنل ایجنڈابنا ہے ، پہلے میں نے سیاست سے ریٹائرمنٹ کا فیصلہ کیا تھا لیکن اب عمران خان کی لڑائی جاری ہے میں عمران خان کے لئے خون کے آخری قطرے تک لڑوں گا ۔انہوں نے کہا کہ عمران خان نے زبردست بیان دیا ہے کہ پاکستان کیلئے پاک فوج ضروری ہے ، یہ خطے کی عظیم فوج ہے ،یہ شہداء کی فوج ہے ۔