واشنگٹن (این این آئی)امریکی کمپنی ٹیسلا اور اسپیس ایکس کے بانی ایلون مسک نے یوکرینی شہریوں کیلئے ایک اہم وارننگ جاری کردی ہے۔ایلون مسک نے ٹوئٹر پر خدشہ ظاہر کیا ہے کہ یوکرین میں موجود سٹار لنک کو روس کی جانب سے نقصان پہنچانے کی کوشش کی جاسکتی ہے۔اْنہوں نے ٹوئٹ میں لکھا کہ’سٹارلنک واحد غیر روسی مواصلاتی نظام ہے جو اب بھی یوکرین کے کچھ حصوں میں کام کر رہا ہے، اس لئے اسے نشانہ بنائے جانے کا بہت زیادہ امکان ہے‘۔ اْنہوں نے یوکرین کو متنبہ کرتے ہوئے لکھا کہ’براہ کرم احتیاط کے ساتھ استعمال کریں‘۔ایلون مسک کی جانب سے ظاہر کیے گئے اس خدشے پر یوکرین کے وزیر برائیڈیجیٹل ٹرانسفارمیشن نے جواب دیا کہ’ہم اسے اپنی فتح کے بعد بھی یوکرینی عوام کے لیے استعمال کریں گے‘۔