لاہور(این این آئی)سینئر صحافی اور کالم نویس عطا الرحمن انتقال کرگئے۔مرحوم کچھ عرصہ سے علیل تھے۔ مرحوم عطاالرحمان روزنامہ ”روزنامہ نئی بات“

کے گروپ ایڈیٹر تھے۔پاکستان مسلم لیگ (ن)کے صدر اور قائد حزب اختلاف شہبازشریف نے سینئر مدیر، کالم نگار اور صحافی عطاالرحمن کی وفات پر رنج وغم اور افسوس کا اظہار کیا ہے۔شہباز شریف نے کہا کہ عطاالرحمن اسلام، نظریہ پاکستان اور مشرقی اقدار کے امین تھے۔انہوں نے تمام عمر اپنے قلم کی حرمت کی پاسبانی کی اور اس کی سیاہی کو گدلا نہیں ہونے دیا۔وہ پختہ نظریات کے ساتھ پاکستان کے قومی مفادات، عوامی حقوق کے تحفظ، اسلامی، مشرقی اورجمہوری اقدار کے لئے قلمی مورچے پر ڈٹے رہے۔ان کی وفات نظریاتی صحافت کا ایک بڑا نقصان ہے۔اللہ تعالی مرحوم کو جنت الفردوس میں اعلی مقام اور لواحقین کو صبرجمیل عطا فرمائے۔

موضوعات:عطا الرحمن