اسلام آباد (آن لائن) الیکشن کمیشن نے مولانا فضل الرحمان کے بھائی اور پی ایم ایس آفیسر ضیاء الرحمان کے خلاف محکمانہ کارروائی کرنے کے لئے چیف سیکرٹری خیبرپختونخوا کو مراسلہ لکھ دیا گیا ہے ،الیکشن کمیشن کے مطابق مذکورہ آفیسر نے جے یو آئی کی انتخابی مہم کے

دوران 3 فروری 2022 کو ایک میٹنگ میں شرکت کی تھی اور ڈی آئی خان تحصیل میئر کے امیدوار کفیل نظامی کے حق میں خطاب بھی کیا تھاجو الیکشن ایکٹ 2017 کی سیکشن 187 کی خلاف ورزی ہے، کوئی سرکاری ملازم انتخابات یا انتخابی عمل میں حصہ نہیں لے سکتا،اس کے ساتھ سرکاری ملازمین کے لئے انضباطی قوانین کے سیکشن 24 کی بھی خلاف ورزی ہے جس کے تحت چیف سیکرٹری خیبرپختونخوا کو محکمانہ کارروائی کا کہا گیا وے۔مراسلہ صوبائی الیکشن کمشنر خیبر پختونخوا نے ڈسٹرکٹ مانیٹرنگ آفیسر ڈی آئی خان کی رپورٹ اور نوٹس لینے پر ارسال کیاگیا ہے،ڈی آئی خان میں میئر کی سیٹ کے لئے 13 فروری 2022 کو الیکشن ہو رہے ہیں،مذکورہ سیٹ پر الیکشن 19 دسمبر 2021 کو ہونا تھا جو ایک امیدوار کی وفات کی وجہ سے ملتوی کر دیئے گئے تھے۔