سرگودھا(این این آئی)سرگودھا کے قصبہ بھیرہ میں15 سالہ لڑکی کو زیادتی کا نشانہ بنا دیا گیا۔ڈی پی او نے لڑکی سے مبینہ زیادتی کے معاملہ کا نوٹس لیتے ہوئے کاروائی کا حکم دے دیا پولیس نے ماں کی مدعیت میں ملزم کے خلاف مقدمہ درج کر کے شامل تفتیش کرتے ہوئے
ڈی این اے ٹیسٹ کے لئے کاروائی شروع کر دی۔زرائع کے مطابق سرگودھا کے تاریخی قصبہ بھیرہ کے موضع جھادہ میں اوباش نوجوان نصیر نے اپنی رشتہ دار 15 سالہ لڑکی (م)کو زیادتی کا نشانہ بنا ڈالا اور فرار ہو گیا۔ڈی پی او ڈاکٹر رضوان احمد خان نے معاملہ کا نوٹس لیتے فوری کاروائی کا حکم دے دیا۔جس پر پولیس تھانہ بھیرہ نے متاثرہ لڑکی کی ماں کی مدعیت میں ملزم نصیر کے مقدمہ درج کر کے ملزم کو شامل تفتیش کر لیا اور ڈی این اے ٹیسٹ کی کاروائی شروع کر دی۔پولیس ترجمان کا کہنا ہے کہ ملزم اور مدعی مقدمہ آپس میں قریبی رشتہ دار ہیں اور وقوعہ پرانا ہے لیکن پولیس تمام حقائق جاننے کیلئے تمام وسائل بروئے کارلارہی ہے اور ملزم کا ڈی این اے ٹیسٹ کروایا جارہا ہے جس کی رپورٹ کی روشنی میں قانونی کارروائی مکمل کی جائیگی۔ ڈی پی او ڈاکٹر رضوان احمد خان نے مقدمہ کو میرٹ پر بروقت یکسو کرنے کا حکم دے دیا ہے۔
