اسلام آباد (این این آئی) وفاقی وزیر داخلہ شیخ رشید احمد نے کہا ہے کہ برسوں سے کشمیر کی جدوجہد آزادی کوہندوستان کی ظالم فوج اور آرایس ایس کے غنڈے نہیں رو ک سکے، کشمیر میں جس طرح قربانیوں سے اس جدوجہد آزادی کو زندہ رکھا ہے یہ ساری دنیا میں مانا جارہاہے

،ساری دنیا اس بات کو تسلیم کررہی ہے جو ظلم بھارت کشمیر میں ڈھا رہاہے اس کی دنیا میں کوئی مثال نہیں ملتی۔ یوم یکجہتی کشمیر کے حوالے سے اپنے خصوصی ویڈیو پیغام میںوفاقی وزیرداخلہ شیخ رشید کا کہنا تھا کہ کشمیر میں جس طرح قربانیوں سے اس جدوجہد آزادی کو زندہ رکھا ہے یہ ساری دنیا میں مانا جارہاہے ، بے قصور لوگوں کو پولیس مقابلوں میں شہید کرنے کے باوجود ہندوستان کوکوئی کامیابی حاصل نہیں ہوسکی ،شیخ رشیداحمدنے کہاکہ تیس لاکھ سیزائد لوگوں کے جعلی بھارتی حکومت نے جعلی ڈومیسائل بنائے ہیں تا کہ اسرائیل کی طرز پر کشمیر کی آبادی کا بھی تناسب بگاڑا جاسکے ۔وفاقی وزیرداخلہ کاکہنا تھا کہ کشمیری کا جوش و جذبہ کم نہیں ہوا ،جان ہتھیلی پررکھ کشمیری جدوجہد کررہے ہیں ۔انہوں نے کہا کہ ساری دنیا اس بات کو تسلیم کررہی ہے جو ظلم بھارت کشمیر میں ڈھا رہاہے اس کی دنیا میں کوئی مثال نہیں ملتی۔انہوں نے کہا کہ سیکولر کہلوانے والا ہندوستان ساری دنیا میں انتہا پسند ہندودت کے نام سے جانا پہچانا جارہاہے ۔ پاکستان اورسارے عالم اسلام کی ہمدردیاں کشمیریوں کے ساتھ ہیں ۔