کراچی(این این آئی) سپریم کورٹ رجسٹری کی عمارت میں بم کی افواہ دینے والے ملزم کو گرفتار کرلیا گیا ، گرفتار ملزم کی عمر 30 سے 35 سال کے درمیان ہے۔ایس پی صدر زاہد ہ پروین کے مطابق 15 پرسپریم کورٹ میں بم کی اطلاع ملی تھی، کال موصول ہونے کے بعد سپریم کورٹ ٹیمیں بھیجی گئیں۔ کالر نے اپنا نام قائداعظم محمدعلی جناح بتایا، ریکارڈنگ سننے پر معلوم ہوا ہے

کالر کا دماغی توازن ٹھیک نہیں۔پولیس اور بم ڈسپوزل اسکواڈ کی جانب سے سرچنگ کی گئی ، اس دوران سپریم کورٹ کراچی رجسٹری سے تمام غیرمتعلقہ افراد کو باہر نکال دیا گیا اور وکلا کو اندر جانے سے روک دیا گیا جبکہ سپریم کورٹ انفارمیشن کانٹر بھی بند کردیا گیا ہے۔بم ڈسپوزل اسکواڈ نے مکمل سرچنگ کے بعدعمارت کلیئر قرار دے دیا، بی ڈی ایس نے بتایا صبح 11بجکر40منٹ پر بم کی اطلاع موصول ہوئی تھی، جس کے بعد بی ڈی یوکی خصوصی ٹیم کے نائن ٹیم سرچنگ کیلئے پہنچی اور پونے گھنٹے تک مسلسل عمارت کو سرچ کیا گیا ،عمارت کو چپے چپے کی تلاشی لینے کے بعد کلیئر قرار دیا۔بعد ازاں صدر ڈویژن پولیس نے سپریم کورٹ رجسٹری کی عمارت میں بم کی افواہ دینے والے ملزم کو گرفتار کرلیا۔حکام نے بتایا کہ ملزم کو بغیر لوکیٹر گرفتار کیا گیا، گرفتار ملزم کی عمر 30 سے 35 سال کے درمیان ہے، ملزم کے فون کا فارنزک کرایا جائے گا۔پولیس نے ملزم کو لے کر تھانے منتقل کردیا ہے جہاں مزید تفتیش کا عمل جاری ہے۔