کراچی (مانیٹرنگ ڈیسک) اسلام آباد یونائیٹڈ نے کوئٹہ گلیڈی ایٹرز کے لئے رنز کا پہاڑ کھڑا کر دیا، کوئٹہ گلیڈی ایٹرز کے کپتان سرفراز احمد نے ٹاس جیت کر اسلام آباد یونائیٹڈ کو پہلے بیٹنگ کرنے کی دعوت دی، اسلام آباد یونائیٹڈ کی جانب سے اننگز کا آغاز کرنے کے لئے

پال اسٹرلنگ اور الیکسہیلز آئے، الیکس ہیلز نے 22 رنز بنائے اور فالکنر کی گیند پر وینس کے ہاتھوں کیچ آؤٹ ہوئے، پال اسٹرلنگ نے 28 گیندوں پر 58 رنز بنائے اور وہ محمد نواز کی گیند پر سہیل تنویر کے ہاتھوں کیچ آؤٹ ہوئے۔ شاداب خان صرف نو رنز بنا سکے، وہ محمد نواز کی گیند پر افتخار احمد کے ہاتھوں کیچ آؤٹ ہوئے۔ کولن منرو اور اعظم خان نے شاندار بیٹنگ کا مظاہرہ کیا، اعظم خان نے 35 گیندوں پر 65 رنز بنائے ان کی اننگز میں چھ چھکے اور دو چوکے شامل تھے، وہ شاہد آفریدی کی گیند پر آؤٹ ہوئے۔ کولن منرو نے 39 گیندوں پر 71 رنز بنائے۔کوئٹہ گلیڈی ایٹرز کی جانب سے محمد نواز نے دو جبکہ جیمز فالکنر نے ایک کھلاڑی کو آؤٹ کیا۔ اس طرح مقررہ 20 اوورز میں اسلام آباد یونائیٹڈ نے 229 رنز بنائے اور کوئٹہ گلیڈی ایٹرز کو جیتنے کے لئے 230 رنز کا ہدف دیا۔