اسلام آباد( آن لائن ) پاکستان نے کہا ہے بھارتی مظالم دنیا کی آنکھوں سے اوجھل نہیں، اس کی سوچ اور اقدام خطے کے امن کیلئے خطرناک ہیں، دنیا کشمیر کی صورتحال سے آگاہ ہے، وزرائے خارجہ کونسل کا اجلاس 22 اور 23مارچ کو اسلام آباد میں ہوگا، جمعہ کو ہفتہ وار بریفنگ دیتے ہوئے ترجمان دفتر خارجہ عاصم افتخار کا کہنا تھا کہ دنیا بھر مین کشمیریون نے بھارتی یوم جمہوریہ کو

یوم سیاہ کے طور پر منایا، بھارت سات دہائیوں سے کشمیر میں انسانیت پرمظالم ڈھا رہا ہے، اور عالمی قوانین کو توڑ رہا ہے، دنیا کشمیر کی صورتحال سے آگاہ ہے، بھارتی فورسز کے مظالم دنیا کی آنکھوں سے اوجھل نہیں، بھارتی سوچ اور اقدام خطے کے امن کیلئے خطرناک ہیں، پاکستان نے بھارت سے امن کی بہت کوششیں کی ہیں لیکن بدقسمتی سے بھارت نے دوستی اور بات چیت کا مثبت جواب نہیں دیا۔ترجمان کا کہنا تھا کہ او آئی سی وزرائے خارجہ کونسل کا اجلاس 22 اور 23مارچ کو اسلام آباد میں ہوگا، وزیر خارجہ کی او آئی سی سیکرٹری جنرل سے فون پر بات ہوئی ہے، افغانستان پر او آئی سی وزرائے خارجہ اجلاس اور کشمیر کی صورتحال پر بات گقتگو ہوئی، پاکستان متحدہ عرب امارات میں بھی حوثی باغیوں کے مزید حملوں کو مذمت کرتا ہے۔ترجمان کے مطابق وزیر اعظم بیجنگ ونٹر اولپمنکس کی افتتاحی تقریب میں شریک ہوں گے، اور وزیر اعظم اعلی چینی قیادت سے ملاقات کریں گے۔ انہوں نے کہا کہ ٹی ٹی پی کے حوالے سے معید یوسف کا بیان غلط رپورٹ ہوا ہے ، سی پیک کی رفتار سست ہونے کا تاثر درست نہیں کرونا کے باوجود سی پیک پر کام جاری ہے سی پیک اہم منصوبہ ہے وزیراعظم کے دورہ چین کے دوران اسکی پیشت رفت کا جائزہ ہوگا ۔