اسلام آباد (این این آئی)وفاقی کابینہ نے نجی شعبے کی ائیر لائن کیو ائیر ویز کی منظوری دے دی ہے۔کیو ائیر ویز کے چیف ایگزیکٹو آفیسر(سی ای او)کیپٹن احسن قریشی نے کہاکہ وفاقی کابینہ کی منظوری کے بعد کیو ائیرویز جلد ریگولر پبلک ٹرانسپورٹ (آر پی ٹی) لائسنس حاصل کرلیگی۔کیپٹن احسن قریشی نے کہا کہ کیو ائیر لائن فلائٹ آپریشن کا آغاز 3 ائیر بس 320 طیاروں سے کریگی، آرپی ٹی لائسنس ملتے ہی 3سے 4ماہ میں اندرو ن ملک

پروازوں کا آغازکردیا جائیگا۔کیپٹن احسن قریشی کے مطابق کیوائیرویز کراچی، اسلام آباداور لاہور کے لیے آپریٹ کرے گی۔ ذرائع کے مطابق ملک میں 3 نجی شعبے میں چلنے والی ائیرلائنز اپنا فضائی آپریشن جاری کیے ہوئے ہیں،کیو ائیر لائن کو لائسنس ملنے سے ملک میں نجی شعبے میں چلنے والی ائیرلائن کی تعداد 4 ہو جائے گی۔سول ایوی ایشن کے ذرائع کے مطابق نئی ائیرلائن کے اضافے سے اندرون ملک مسافروں کو مذید سہولیات میسر ہوں گی۔