اسلام آباد(مانیٹرنگ ڈیسک)حکومت نے عوام کو بڑا ریلیف دیتے ہوئے بجلی کی فی یونٹ قیمت میں کمی کر دی ہے، نیپرا کے جاری کردہ نوٹیفکیشن کے مطابق بجلی 99 پیسے فی یونٹ سستی کردی گئی ہے۔نوٹیفکیشن کے مطابق بجلی مالی سال 2021 کی آخری سہ ماہی ایڈجسٹمنٹ کی مد میں سستی کی گئی ہے۔نجی ٹی وی کے مطابق بجلی کی قیمت میں کمی کا اطلاق یکم فروری 2022 سے ہوگا، کمی سے صارفین کو 22 ارب 48 کروڑ روپے کا ریلیف ملے گا۔اس کمی کا ریلیف عوام کو 3 ماہ کے لئے ملے گا،اس کا اطلاق لائف لائن، پروٹیکڈ اور کے الیکٹرک صارفین پر نہیں ہوگا۔