سلام آباد (مانیٹرنگ ڈیسک)نجی ٹی وی پروگرام میں گفتگو کرتے ہوئے سینئر صحافی و تجزیہ کار رانا عظیم نے کہا کہ میں پہلے دن سے کہہ رہا ہوں کہ نواز شریف واپس نہیں آ رہے، نواز شریف کے کچھ ساتھیوں نے رابطے کرنے کی کوشش کی تھی اور ان میں شہباز شریف بھی شامل ہیں لیکن یہ کوششیں کامیاب نہیں ہو سکیں۔رانا عظیم کامزید کہنا تھا کہ اس کی وجہ یہ تھی کہ میاں صاحب کی ڈیمانڈیہ ہے کہ میرے تمام کیسز ختم کیے جائیں، اگلے پانچ سال دئیے جائیں
لیکن ایسا ہرگز ممکن نہیں ہے۔ انہوں نے کہا کہ جب ایک بہت بڑی شخصیت نے کوشش کی کہ نواز شریف کو ریلیف مل سکے تو واضح جواب دیا گیا کہ ہم کوئی غیر آئینی کام نہیں کریں گے۔کوشش ہو رہی ہے کہ مریم صاحبہ کچھ عرصہ کے لیے باہر چلی جائیں لیکن اس میں بھی کامیابی نہیں ملے گی۔رانا عظیم نے کہا کہ شہباز شریف اور بلاول بھٹو زرداری کے مابین ملاقات ہو سکتی ہے اور اس ملاقات میں مریم نواز کو بھی نکال دیا جائے گا۔آنے والے چند دن بہت اہم ہیں ۔
