اسلام آباد (مانیٹرنگ ڈیسک)خون کے آنسو رونے والی لڑکی یاسمین کا پول کھل گیا،اقرار الحسن کے مطابق لڑکی بکرے کی کلیجی کا خون گالوں پر لگا کر خون کے آنسو دکھاتی تھی۔لڑکی اور اس کی والدہ شہناز اختر کی جانب سے خون کے آنسو کی بیماری کا بتا کر لوگوں سے عطیات مانگے جاتے تھے، اتنا ہی

نہیں سرعام کی ٹیم سرعام بھی دھوکا کھاچکی تھی،خاتون اور اس کی بیٹی کی ویڈیو میں دیکھا جاسکتا ہے کہ ایک شخص خاتون کو کہہ رہا ہے کہ ہم آپ کی ڈونر سے بات کروائیں گے، میں 25 لاکھ کی امداد آپ کو کرواؤں گا۔ویڈیو میں دیکھا جاسکتا ہے کہ وہ شخص خاتون کو کہہ رہا ہے کہ 25 لاکھ کے علاوہ جو آمدنی ہوگی اس میں آپ ہم سے کیا تعاون کریں گی اس پر لڑکی کی والدہ کہتی ہیں میں آپ کو آدھے پیسے دوں گی،خاتون کہتی ہیں ایک کروڑ آٹھ لاکھ روپے اس کے پاس ہیں میں آپ سے ڈیل کررہی ہوں کہ آدھے آدھے پیسے کرلیں گے۔خون کے آنسوؤں کا جھوٹا دعویٰ کرنے والی لڑکی ہر تھوڑے عرصے بعد ویڈیو بنا کر عوام سے مدد مانگتی تھی اور لوگ ترس کھا کر دھوکے میں آجاتے تھے، لڑکی کی ماں کے بینک اکاؤنٹ کی تفصیلات بھی منظرعام پر آگئیں، ہر ویڈیو کے بعد لوگ لاکھوں روپے عطیات بھجواتے تھے۔