لاہور (آن لائن)پاکستان پیپلزپارٹی کی سابق چیئرپرسن اور سابق وزیر اعظم بے نظیر بھٹو کی 14ویں برسی کل(پیر)27دسمبر کو منائی جائے گی ، برسی کی مرکزی تقریب گڑھی خدا بخش میں منعقد ہو گی جس میں آزاد کشمیر ، گلگت

بلتستان سمیت ملک بھر سے پارٹی رہنما او رکارکنان شریک ہوں گے ، ملک بھر میں بھی قرآن خوا نی اور فاتحہ خوانی کی تقریبات کا انعقاد کیا جائے گا ۔ پیپلزپارٹی کی سنٹرل ایگزیکٹو کمیٹی اور فیڈرل کونسل کا مشترکہ اجلاس چیئرمین بلاول بھٹو کی صدارت میں 26دسمبر کو نوڈیرو ہائوس میں ہو گا جبکہ 27دسمبر کو قرآن خوانی اور جلسہ ہو گا جس سے سابق صدر آصف علی زرداری، چیئرمین پاکستان پیپلز پارٹی بلاول بھٹو زرداری سمیت دیگر مرکزی قائدین خطاب کریں گے۔پیپلز پارٹی لاہور کے زیر اہتمام جیالوں کا قافلہ آج بروز اتوار بذریعہ ٹرین سندھ کے لئے روانہ ہو گا۔اسلم گل کی ہدایت پر جیالوں کے لئے دو بوگیاں بک کر الی گئی ہیں۔جیالے بینظیر بھٹو کی برسی کی تقریبات میں شرکت کے بعد 28دسمبر کو واپس پہنچیں گے۔گڑھی خدا بخش میں وسطی پنجاب اور لاہور تنظیم کااستقبالیہ کیمپ بھی قائم کیا جائے گا۔

موضوعات:بینظیر بھٹو