اتوار‬‮ ، 17 اگست‬‮ 2025 

پاکستان میں ایچ آئی وی ایڈز سے متاثرہ افراد کی تعداد 2 لاکھ کے قریب پہنچ گئی، جیلوں میں ہزاروں قیدیوں میں ایڈز کی تشخیص کا انکشاف

datetime 2  دسمبر‬‮  2021
ہمارا واٹس ایپ چینل جوائن کریں

کراچی (این این آئی) پاکستان میں تقریبا 2 لاکھ افراد HIV/AIDs کا شکار ہیں اور ہمارے ملک کا شمار دنیا کے ان 11ممالک میں ہوتا ہے جہاں ایچ آئی وی تیزی سے پھیل رہا ہے۔ ان خیالات کا ظہار ماہرین نے ورلڈ ایڈز ڈے کے موقع پر برج فانڈیشن کے تحت مقامی ہوٹل میں منعقدہ سیمینار کے دوران کیا۔ برج کنسلٹنٹ فانڈیشن کے ایگزیکٹو ڈائریکٹر اور ماہر HIV/AIDs ڈاکٹر شرف علی شاہ نے کہا کہ

پاکستان میں ایڈز کے پھیلا کو روکنے کیلئے حکومت کو اہم کردار ادا کرنا چاہئے۔ ہم اپنے پلیٹ فارم پر جو ممکن ہے کوشش کررہے ہیں۔ HIV/AIDs کے مریض وسائل سے محروم ہیں۔ برج فانڈیشن ان کو ماہانہ راشن اور ان کی ضروریات کو پورا کرنے کی کوشش کررہی ہے مگر حکومت اور بین الاقوامی ادارے اس سلسلے میں آگے آئیں اور ان مریضوں کی مدد کریں۔ ڈاکٹر شرف علی شاہ نے ایچ آئی وی ایڈز سے متاثرہ افراد کو حاصل سہولیات، مسائل اور ان کے حل پر بھرپور روشنی ڈالی۔جیلوں میں قید ہزاروں قیدیوں میں بھی ایڈز کی تشخیص ہوئی ہے، انہوں نے کہا کہ بہت کم مریض HIV/AIDs کی دوا استعمال کررہے ہیں جو ایک خطرناک عمل ہے۔ اس سیمینار سے انفیکشن کنٹرول سوسائٹی کے صدر پروفیسر ڈاکٹر رفیق خانانی نے انکشاف کیا کہ پاکستا ن کا شمار دنیا کے ان 11 ممالک میں ہوتا ہے جہاں ایڈز تیزی سے پھیل رہا ہے۔ انہوں نے کہاکہ کورونا وائر س کی طرف توجہ دینے سے ایچ آئی وی کنٹرول پروگرام بری طری متاثر ہوا ہے جس پر توجہ دینے کی ضرورت ہے۔ اس موقع پر سید رضوان مصطفی، وحید خان خٹک، محمد ریحان خان اور دیگر نے بھی خطاب کیا اور HIV/AIDs سے آگاہی دی اور اس سے بچا کے بارے میں مفید معلومات فراہم کیں۔ اس سیمینار میں کثیر تعداد میں HIV/AIDs کے مریضوں اور دیگر کمیونٹی کے افراد نے شرکت کی جس میں مظہر انجم،

صادق شاہ، امتیاز بانو جبکہ خاص مہمانوں میں سید خادم علی شاہ، ڈاکٹر اشرف مبین، ڈاکٹر محمد نعیم، ڈاکٹر افشاں، ڈاکٹر فرحین علی، محمد عمر ابڑو، ڈاکٹر اقتدار احمد، ڈاکٹر نوید بھٹو، ڈاکٹر لالہ آفتاب، واجد علی، ناجیہ درانی، سوشل فورم کے چیئرمین نفیس احمد خان، مسعود احمد وصی و دیگر بھی شامل تھے۔

موضوعات:



کالم



وین لو۔۔ژی تھرون


وین لو نیدر لینڈ کا چھوٹا سا خاموش قصبہ ہے‘ جرمنی…

شیلا کے ساتھ دو گھنٹے

شیلا سوئٹزر لینڈ میں جرمنی کے بارڈرپر میس پراچ(Maisprach)میں…

بابا جی سرکار کا بیٹا

حافظ صاحب کے ساتھ میرا تعارف چھ سال کی عمر میں…

سوئس سسٹم

سوئٹزر لینڈ کا نظام تعلیم باقی دنیا سے مختلف…

انٹرلاکن میں ایک دن

ہم مورج سے ایک دن کے لیے انٹرلاکن چلے گئے‘ انٹرلاکن…

مورج میں چھ دن

ہمیں تیسرے دن معلوم ہوا جس شہر کو ہم مورجس (Morges)…

سات سچائیاں

وہ سرخ آنکھوں سے ہمیں گھور رہا تھا‘ اس کی نوکیلی…

ماں کی محبت کے 4800 سال

آج سے پانچ ہزار سال قبل تائی چنگ کی جگہ کوئی نامعلوم…

سچا اور کھرا انقلابی لیڈر

باپ کی تنخواہ صرف سولہ سو روپے تھے‘ اتنی قلیل…

کرایہ

میں نے پانی دیا اور انہوں نے پیار سے پودے پر ہاتھ…

وہ دن دور نہیں

پہلا پیشہ گھڑیاں تھا‘ وہ ہول سیلر سے سستی گھڑیاں…