اسلام آباد(آن لائن)وفاقی دارلحکومت میں ایک اور معصوم کو زیادتی کے بعد قتل کر دیا گیا۔پوسٹ مارٹم رپورٹ پر پولیس نے ملزمان کی تلاش شروع کر دی ہے ،

سوموار کو تھانہ رمنا پولیس کو جی الیون کے نزدیک میٹروسٹیشن کے پاس ایک گیارہ سالہ بچی کی لاش ملی جس پر انہیں فوری طور پر پمز ہسپتال پہنچایا گیا ،ہسپتال میں جی الیون میٹرو سٹیشن سے ملنے والی بچی کی لاش کا پوسٹ مارٹم کیا گیا تو پوسٹ مارٹم میں بچی کے ساتھ زیادتی ثابت ہوئی ہے،دوسری جانب رپورٹ کے مطابق بچی کی موت دم گھٹنے سے ہوئی اور جسم پر خراشوں اور زخموں کے بھی نشانات ملے ہیں،تین رکنی میڈیکل بورڈ نے بچی کا فرانزک کرانے کا بھی فیصلہ کیا ہے ،ادھر وفاقی پولیس کے اعلیٰ حکام نے معصوم لڑکی کے قاتلوں کو تلاش کرنے کے لیے ایس ایس پی انوسٹی گیشن کی سربراہی میں ٹیم بنا دی ہے جس نے موقع سے تمام شواہد اکٹھے کرلیے ہیں۔

موضوعات:زیادتی