کراچی(این این آئی)شہرقائدکے علاقے عزیز آباد میں 3 لڑکیوں کے مبینہ اغوا اور زیادتی کے معاملے میں اہم پیش رفت ہوئی ہے، انویسٹی گیشن پولیس نے لیڈی انسپکٹرکو تفتیشی افسر مقرر کردیاہے۔اس حوالے پولیس نے دعوی کیا ہے کہ
متاثرہ لڑکیوں کے اہل خانہ تفتیش میں تعاون نہیں کر رہے، مقدمہ درج ہونے کے باوجود اہل خانہ معاملہ ختم کرنے پر زور دے رہے ہیں۔پولیس حکام کے مطابق رپورٹ آنے کے بعد مبینہ زیادتی کی تصدیق ہوسکے گی اور دیگر حقائق بھی سامنے آئیں گے۔ابتدائی تفتیش میں معلوم ہوا ہے کہ تینوں لڑکیاں مہندی کا کام سیکھنے کا کہہ کر پارلر گئی تھیں، لڑکیوں کے کئی گھنٹے لاپتہ رہنے پر والدین نے مقدمہ درج کروایا۔پولیس کے مطابق دوسگی بہنوں سمیت تینوں لڑکیاں اپنی مرضی سے گئی تھیں، بعد ازاں لڑکیوں کے ساتھ کیا معاملہ پیش آیا اس سلسلے میں تفتیش کی جارہی ہے،مذکورہ لڑکیوں کو نیم بیہوشی کی حالت میں جناح اسپتال لایا گیا تھا۔
