گوجرہ ( این این آئی) موٹروے ایم 4 پر 2 ملزمان کی خاتون ملزمہ کی مدد سے 18 سالہ لڑکی کو نوکری کا جھانسہ دے کر مبینہ زیادتی کا نشانہ بنا دیا گیا۔ پولیس کی جانب سے واقعے کی ایف آئی آر درج کر لی گئی ہے۔ایف آئی آر کے مطابق گارڈن ٹاؤن کی رہائشی ارم کو بوتیک پر

نوکری کا جھانسہ دے کر گوجرہ بلایا گیاتھا۔ گوجرہ سے تین کارسوار ملزمان حماد، رحمان اور لائبہ نے لڑکی کو انٹرویو کا کہہ کر کار میں بیٹھایا اور گوجرہ سے فیصل آباد موٹروے ایم فور پر پستول دیکھا کر لڑکی سے دونوں ملزمان نے دو دو بار زیادتی کی۔ زیادتی کے بعد ملزمان متاثرہ لڑکی کو فیصل آباد انٹر چینج کے قریب اتار کر فرار ہو گئے۔پولیس کی جانب سے متاثرہ لڑکی کامیڈیکل کروا لیا گیا جبکہ ڈی این اے بھی کروایا جائے گاـپولیس زرائع کے مطابق ایک ملزم حماد احمد کو گرفتار کر لیا گیا ہےـدوسری جانب ڈی ایس پی وقار احمد نے کہا کہ لڑکی سے زیادتی کے واقعہ کے 3 ملزمان ہیں جو گاڑی پر آئے تھے، گاڑی میں 2 لڑکے اور ایک لڑکی تھی جس نے متاثرہ لڑکی کو میسج کیا تھا، لڑکی نے ملزمان کے نام اور گاڑی کا نمبر بھی نہیں بتایا ہے۔ڈی ایس پی نے کہا کہ جیوفینسنگ کرائی جارہی ہے، ایک دو دن میں مزید ملزمان کو گرفتار کرلیں گے، ملزمان لڑکی کو فیصل آباد کے کسی بوتیک میں نوکری کا کہہ کر لے گئے تھے۔ڈی ایس پی میاں وقار احمد نے کہا کہ متاثرہ لڑکی کا میڈیکل کرا کر ڈی این اے کیلئے نمونے لاہور بھجوا دیئے گئے ہیں۔

موضوعات:زیادتی