اسلام آباد (مانیٹرنگ ڈیسک )نیوزی لینڈ کا دورہ پاکستان منسوخ کرنے بعد دیگر ممالک سے پاکستان کو ہمایتی پیغام موصول ہو رہے ہیں۔ ایسے میں دیگر غیر ملکی کھلاڑیوں نے عزم کیا ہے کہ وہ پاکستان کا دورہ کریں گے اور دنیا کو بتا دیں گے کہ پاکستان ایک محفوظ ملک ہے۔
ابھی کچھ دیر قبل سری لنکن کرکٹ ٹیم کے سیکرٹری موہن ڈی سلوا کا بیان سامنے آیا ہے جس سے شائقین کرکٹ کو دلاسہ ملا ہے۔کرکٹ ڈز کے مطابق اُن کا کہنا تھا کہ اگر پاکستان کرکٹ ٹیم نیوزی لینڈ کی جگہ ہمیں دورے کے لیے بلاتی ہے تو ہم پی سی بی کی جانب سے دی جانے والی دعوت کو قبول کریں گے اور جو نقصان ہوا اُس کی تلافی کرنے کی کوشش کریں گے۔ ان کا مزید کہنا تھا کہ اِس دورہ کی منسوخی سے پاکستان کرکٹ کو نقصان پہنچا ہے۔ہم پاکستان کے ساتھ کھڑے ہیں اور جیسا کہ آپ سب جانتے ہیں کہ پی سی بی سری لنکا کا عظیم دوست ہے۔ اِس لیے ہم اس مشکل وقت میں پاکستان کا ساتھ دینے کو تیار ہیں۔ واضح رہے کے نیوزی لینڈ نے سیکیورٹی تھریٹ کا بہانا کر کے پاکستان کے ساتھ سیریز کھیلنے سے انکار کیا تھا۔
