مکوآنہ (این این آئی )قبضہ، فراڈ، جوئے اورنوسربازی کے مقدمات میں نامزد بڑے مگرمچھوں کے گرد پولیس اور ایف آئی اے نے گھیرا تنگ کردیا ، اینٹی منی لانڈرنگ ایکٹ کے تحت پنجاب بھر سے ساڑھے 460سے زائد مقدمات میں ملوث ملزموں کے خلاف کارروائیوں کیلئے پولیس نے ڈیٹا ایف آئی اے

کوبھجوا دیا۔ تفصیلات کے مطابق فراڈ، قبضہ مافیا، جوا اورنوسربازی سے کمائی گئی رقوم اوراثاثے بنانے والے کے خلاف پولیس اورایف آئی اے متحرک ہوگئے ہیں۔ فیصل آباد سمیت پنجاب بھر سے پولیس نے 460سے زائد جوئے، قبضہ، فراڈ اوربدمعاشی کے درج مقدمات کی تفصیل ایف آئی اے کو بھجوا دی۔مقدمات میں ضمانت کے باوجود ایف آئی اے پولیس کی جانب سے بھجوائی گئے مقدمات پرچھان بین کرے گا۔ منشابم پر 63، امیربالاج 8، میاں وکی 8 شو کی چنگڑ 2 سمیت دیگرکے مقدمات کی تفصیلات بھجوائی گئی ہیں۔ ایف آئی اے کو متعلقہ ساڑھے4سو سے زائد مقدمات میں نامزد افراد کے نام بجھوائے گئے ہیں۔مقدمات میں چاہے ضمانت ہی حاصل کرلی یا مقدمہ خارج بھی ہواہے لیکن ایسے تمام مقدمات کی تفصیلات دی گئی ہے تاکہ ان کیخلاف ایف آئی اے کارروائی کرسکے۔پولیس کی جانب سے ایف آئی اے کو مقدمات میں ملوث ایسے افراد کی ہرقسم کی جائیداد کی تفصیل بھجوائی گئی۔ ایف آئی اے اینٹی منی لانڈرنگ ایکٹ کے تحت تمام جائیدادوں واثاثوں کا جائزہ لے گی، اثاثوں کی تصدیق اورانکم کے ذرائع واضح نہ کرسکنے پرجائیداد ضبط اور اکاونٹ منجمدکردئے جائیں گے۔ مقدمات میں نامزدافراد نے ناجائز طریقے سے کمائی کرکے منی لانڈرنگ میں ملوث رہے۔