لاہو ر(این این آئی)عدالت نے نوکری کا جھانسہ دے کر فلپائنی خاتون کو زیادتی اور بدفعلی کا نشانہ بنانے کے کیس کی سماعت کرتے ہوئے پولیس سے ریکارڈ طلب کر لیا۔ ایڈیشنل سیشن جج شفیق عباس کلیا نے کیس پر سماعت کی۔فلپائنی خاتون نے عدالت کو بتایا کہ ملزم عبدالرحمن نے میرے ساتھ زیادتی اور بدفعلی کی ملزم کے خلاف میڈیکل رپورٹ بھی ثابت ہو گئی ہے،ملزم اب ایف آئی آر واپس لینے کے لیے جان سے مارنے کی دھمکیاں دے رہا ہے،عدالت مجھے تحفظ دے کر انصاف مہیا کرے ۔خاتون نے وزیراعظم ,چیف جسٹس اور سی سی پی او سے بھی انصاف کی اپیل ہے۔ملزم کے خلاف تھانہ فیکٹری ایریا میں زیادتی اور بدفعلی کی دفعات کے تحت مقدمہ درج ہے،عدالت نے پولیس سے ریکارڈ طلب کر لیا۔