ممبئی(این این آئی) بھارتی اداکارہ کاجول نے اپنے شوہر اداکار اجے دیوگن کو گھر چھوڑ کر جانے کی دھمکی دے دی۔بھارتی میڈیا کے مطابق بالی ووڈ اداکار اجے دیوگن اور اداکارہ کنگنا رناوت میں قربتیں بڑھنے کی افواہیں گردش کرنے لگیں۔سپر ہٹ فلم ’ونس اپون آ ٹائم ان ممبئی‘ کی شوٹنگ کے دوران خبریں تواتر سے آنے لگی تھیں کہ اجے دیوگن اور کنگنا رناوت میں اچھی بونڈنگ ہوگئی ہے

اور جلد دونوں کے تعلقات ایک نیا موڑ لے لیں گے۔رپورٹ کے مطابق دونوں فنکار فلم ’تیز‘ اور ’راسکل‘ میں بھی ایک ساتھ کام کرنے کا ارادہ رکھتے ہیں۔ ان خبروں پر اداکارہ کاجول کا صبر جواب دے گیا اور کاجول نے اجے دیوگن کو دھمکی دی کہ اگر کنگنا رناوت سے دوستی ختم نہیں کی تو میں دونوں بچوں کے ہمراہ گھر چھوڑ کر چلی جاؤں گی۔ تاہم ایسا ہونے سے پہلے ہی معاملات ٹھیک ہوگئے۔اداکار اجے دیوگن نے ایک انٹرویو میں واضح کیا کہ میرا کسی کے ساتھ افیئر نہیں ہے، میڈیا والے دو لوگوں کو ساتھ دیکھ کر کوئی بھی خبر بنا لیتے ہیں، میں اپنی اہلیہ اور بچوں کے ساتھ خوش ہوں، میں اپنے کام اور گھر سے محبت کرتا ہوں۔ دوسری جانب بالی ووڈ اسٹار اکشے کمار کی اہلیہ اور ماضی کے شہرت یافتہ بھارتی فلموں کے ہیرو راجیش کھنہ اور ڈمپل کپاڈیہ کی بیٹی اداکارہ ٹوئنکل کھنہ نے اپنی شرٹ پر ایمبرائیڈری کی۔اداکاری سے کنارہ کشی کے بعد بطور مصنفہ کام کررہی تھیں۔ تاہم اب انھوں نے ایک نئے میدان کا چنائو کیا ہے اور یہ ایمبرائیڈری ہے۔اس حوالے سے اپنے انسٹاگرام پر انھوں نے اپنی ایک ویڈیو شیئر کی ہے جس میں انھون نے اپنی شرٹ پر بڑی مہارت کے ساتھ ایک بڑی سی شہد کی مکھی کڑھائی کے ذریعے بنائی ہے۔ انکی اس مہارت پر ان کے پرستاروں نے انھیں ملٹی ٹیلنٹڈ (کئی صلاحیتوں کی حامل شخصیت) قرار دیا ہے۔اس موقع پر انھوں نے تحریر کیا ہے کہ انگلیوں کو حرکت دینے سے ذہن کام کرنے لگتا ہے اور ایسی مصروفیت سے اگر میری شرٹ پر اچھی سے ایمبرائیڈری بن جائے تو یہ بہت اچھا ہے۔

موضوعات:کاجول