لاہور(مانیٹرنگ ڈیسک )برطانیہ پلٹ لڑکی سے زیادتی کا معاملہ نیا رخ اختیار کرگیا،لڑکی 25لاکھ میں مبینہ صلح کے لئے راضی ہوگئی ،جس کے بعد آج عدالت میں نکاح نامہ پیش کر دیا جائے گا اورگرفتار فیضان کی ضمانت ہو جائے گی،پولیس نے کریمنل ریکارڈحاصل کرلیا،9مقدمات میں چالان کروا چکی،3جعلی شناختی کارڈبرآمد کرلئے گئے،جبکہ دوسری جانب مبینہ زیادتی کا شکار لڑکی کا اصل نام
ولیحہ عرفات دختر محمد ارشد سامنے آیا ہے ،جو باقاعدہ ریکارڈ یافتہ خاتو ن ہے اس کے خلاف 9مقدمات درج ہوئے جن میں اسے چالان کیا گیا جبکہ 6مقدمات اس کی جانب سے درج ہیں جن میں یہ مدعیہ ہے زیادہ تر مقدمات اس کی جانب سے دوسروں پر زیادتی کے الزامات کے تحت درج کئے گئے ہیں ،لڑکی نےان تمام مقدمات میں نے اپنا نام مختلف لکھا ہے تمام ایف آئی آر میں وہ امان کے اسپیلنگ آگے پیچھے کر کے لکھتی ہیں جبکہ اصل شناختی کارڈ کی بجائے 3جعلی شناختی کارڈ بھی پولیس نے برآمد کر لئے ہیں روزنامہ جنگ میں امداد حسین بھٹی کی خبر کے مطابق ذرائع کا کہنا ہے کہ اس سے قبل بھی یہ لڑکی بھاری رقم لیکر صلح کر لیتی تھی ،اب اس کیس میں خاتون تاحال اسی فیضان کے گھر میں مقیم ہے جہاں اس نے الزام لگا یا تھا کہ اسے زیادتی کا نشانہ بنایا گیا ،پولیس ذرائع کا کہنا ہے کہ جس دن خاتون نے ایف آئی آر کروائی اس کے بعد اسے کہا گیا کہ اسے شیلٹر ہائوس فراہم کرتے ہیں لیکن یہ دوبارہ اسی گھر چلی گئی کہ اس کے کپڑے وہاں موجود ہیں، جس کے بعد سے وہ تاحال اسی گھر میں موجود ہے۔باوثوق ذرائع کا کہنا ہے کہ ولیحہ نے 25لاکھ حق مہر کا مطالبہ کیا ہے کہ اگر اسے یہ رقم دی جائے گی تو وہ عدالت میں فیضان کی مرضی کا بیان دے گی،دوسری جانب پولیس نے ولیحہ کا تما کریمینل ریکارڈ حاصل کرلیا ہے۔
