برسلز(این این آئی)کئی یورپی ملکوں نے خاموشی کے ساتھ افغانستان سے اپنے فوجیوں کا انخلا مکمل کر لیا ہے۔ میڈیارپورٹس کے مطابق ابھی امریکی قیادت میں جاری فوجی مشن کے ختم ہونے کی حتمی تاریخ میں کئی دن باقی ہیں لیکن یورپی ممالک اپنے فوجی واپس بلانے کا سلسلہ جاری رکھے
ہوئے ہیں۔ جرمنی اور اٹلی نے افغانستان میں اپنے عسکری مشن ختم کرنے کا اعلان کر دیا ۔ پولینڈ کے بیشتر فوجی اپنے وطن لوٹ گئے ۔ یورپی ممالک کے فوجیوں کے مشن بغیر کسی تقریب کے لپیٹے جا رہے ہیں۔ مغربی دفاعی اتحاد نیٹو نے رواں برس اپریل میں اپنے رکن ملکوں کے فوجیوں کی واپسی کا فیصلہ کیا تھا۔
